नेपालगन्ज । श्री प्रभात नमुना माध्यमिक विद्यालयले आफ्नो ५६औँ वार्षिकोत्सव भव्यताका साथ सम्पन्न गरेको छ।
शिक्षा विकास तथा समन्वय इकाइ प्रमुख लोक बहादुर शाही प्रमुख अतिथिका रूपमा रहेको कार्यक्रममा बोल्दै प्रमुख अतिथि शाहीले बिद्यालयको प्रगतिले शैक्षिक गुणस्तर सुधार भएको देखाएको बताए । उनले नमुना बिद्यालयलाई सबै मिलेर थप ब्यवस्थित गर्दै लैजान अनुरोध गरे । यसैगरी कार्यक्रममा बोल्दै वडा नम्बर ५ का अध्यक्ष देब बहादुर रावतले बिद्यालयको शैक्षिक र गुणस्तर सुधारका लागि एकजुट भएर लाग्नुपर्ने बताए ।
कार्यक्रममा बोल्दै बास नेपाल बालिका शिक्षा कार्यक्रम संयोजक हेमराज भट्टले गाउँपालिका मै सबै भन्दा बढी बिद्यार्थी रहेको प्रभात नमुना बिद्यालय निरन्तर शैक्षिक गुणस्तर सुधारमा लागेकोमा खुसी ब्यक्त गरे । बिद्यालयको शैक्षिक गुणस्तर सुधार, विकास र हरित बिद्यालयको रुपमा आगमी दिनमा जिल्ला कै उत्कृष्ट बिद्यालयको रुपमा स्थापीत गर्ने गरी कार्य गर्न बिद्यालय ब्यवस्थापनलाई अनुरोध गरे । कार्यक्रममा बिद्यालयको अवस्था र भावि योजनाका बारेमा बोल्दै विद्यालय व्यवस्थापन समिति अध्यक्ष दल बहादुर सुनारले प्रभात माबिलाई जिल्ला कै उत्कृष्ट बिद्यालयको रुपमा बनाउन लागि परेको भन्दै सबैको साथ र सहयोगको अपेक्षा गरिएको बताए । बार्षिकोत्सबमा बिद्यालयको प्रगति तथा आर्थिक पूगति प्रतिबेदन बिद्यालयका प्रधानाध्यापक बाबुराम अधिकारीले प्रस्तुत गरेका थिए ।
वार्षिकोत्सवको अवसरमा विद्यालयले उत्कृष्ट स्थान हासिल गर्ने बिद्यार्थीहरुलाई पुरस्कार प्रदान गरेको थियो भने बालिका शिक्षा, जिवन उपयोगी शिप, जलवायु परिवर्तन कार्यक्रम र बिद्यालयको अतिरिक्त क्रियाकलापद्धारा बिद्यालयको शैक्षिक गुणस्तर अभिबृद्धीका साथै सर्वागीण विकासमा योगदान पुर्याएको भन्दै बास नेपाललाई सम्मान गरिएको थियो। सो क्रममा रुम टु रिडको सहयोगमा बास नेपालद्धारा सञ्चालीत बालिका शिक्षा कार्यक्रम अन्तरगत कक्षा ८ को जलवायु न्याय क्लबका बालिकाहरुले जलवायु न्याय सम्बन्धी नाटक प्रर्दशन गरेका थिए भने विद्यार्थीहरूले नृत्य, गायन तथा साहित्यिक प्रस्तुति प्रस्तुत गरेका थिए ।
बिद्यालयले आगामी दिनमा प्रविधिमैत्री शिक्षाको दिशामा अघि बढ्दै सूचना प्रविधि, विज्ञान प्रयोगशाला, पुस्तकालय विस्तार तथा स्मार्ट शिक्षण पद्धति अवलम्बन गर्ने, डिजिटलाईजेशनलाई प्राथमिकता दिने, बिद्यालयलाई हरित बिद्यालयको रुपमा विकास गर्ने योजना बनाएको छ ।
कार्यक्रममा बिद्यालयका पूर्व शिक्षक, पदाधिकारी, राजनितिक दलका प्रतिनिधि, विभिन्न संघसंस्थाका प्रमुख तथा प्रतिनिधि, शिक्षक, अभिभावक र बिद्यार्थीहरुको उल्लेख्य उपस्थिती रहेको थियो ।
