नेपालगञ्ज / बागेश्वरी असल शासन क्लव ( बास नेपालको ) नेपालगञ्ज उपशाखाका शुक्रवार पुनर्गठन भएको छ । उपशाखा अध्यक्षमा निशा गिरी चयन भएकी छिन् ।
बास नेपालको १० ओैं महाधिबेन नजिकिदै गर्दा २ बर्ष समयाअबधि पुरा भएका शाखा,उपशाखा र ईकाईहरु पुनर्गठन गर्ने क्रममा शुक्रवार नेपालगञ्ज उपशाखा पुनर्गठन भएको हो ।
नेपालगञ्ज उपमहानगर पालिका अन्तर्गत २३ वटै ईकाईहरु बाट प्रतिनिधीत्व रहेको भेला बाट १३ सदस्यीय समिति चयन भएको उपशाखाको उपाध्यक्ष,सचिव, सहसचिव र कोषाध्यक्षमा क्रमश कमालुद्धिन ईद्रिसी, अजय तामाङ, संगिता बिक र सालिया हास्मी रहेका छन् ।
त्यसैगरी सदस्यहरुमा याम नारायण पौडेल, तारा वली, खुश्नुवा ढापाली, सरीफ धोबी, गणेश पाण्डे र सुनिता चिडिमार रहेका छन् भने शाखाको पहिलो बैठकबाट २ जना सदस्य मनोनित गरिने छ ।
उपशाखामा मनोनित पश्चात अध्यक्ष निशा गिरी, उपाध्यक्ष कमालुद्धिन ईद्रिसी र सदस्य याम नारायन पौडेलले आफ्ना भनाई राख्दै उपशाखालाई सक्रियरुपमा सञ्चालन गर्न आफ्नो तर्फबाट निश्वार्थ भावनाले लाग्ने प्रतिबद्धता ब्यक्त गरे ।
बास नेपालका केन्द्रीय अध्यक्ष लुना बुढाथोकी, कार्यकारी निर्देशक नमस्कार शाह,केन्द्रीय सदस्य तपेन्द्र मलाती, जनसम्पर्क बिभाग प्रमुख कमल शाहीले उपशाखामा मनोनित पदाधिकारीहरुलाई बधाई दिदै सुशासनको अभियानमा सक्रिय रुपमा लाग्न सुझाव दिएका थिए ।
बास नेपाल बाँके शाखा अध्यक्ष शोभा थापा मगरको अध्यक्षतामा भएको शाखा पुनर्गठन कार्यक्रमको सहजिकरण बास नेपालका जन सम्पर्क अधिकृत माधव कुमार कार्कीले सञ्चालन गरेका थिए ।
