नेपालगञ्ज / बास नेपालले हरेक शुक्रवार सञ्चालन गर्दै आएको ईँन्स्पाईरिङ युथ कार्यक्रम अन्तर्गत आज उत्प्रेरणात्मक प्रबचनको आयोजना गरेको छ ।
बास नेपालको शुसासन हलमा आयोजित ईन्सपाईरिङ युथ कार्यक्रमको ३२९ औं श्रीखंलामा आज यस क्षेत्रकै चर्चित डाक्टर संकेत रिसाल बाट उक्त प्रबचन दिईएको हो ।
युवाहरुलाई लक्षित गरी हरेक साता आयोजना गर्ने ईन्स्पाईरिङ युथ कार्यक्रममा युवाहरुलाई उत्प्रेरणा दिने खालका बिचारहरु राख्न बिभिन्न क्षेत्रबाट अतिथिहरु बोलाईने उक्त कार्यक्रममा यो साता भने डाक्टर रिसाल द्धारा युवाहरुलाई उत्प्रेरणात्मक प्रबचन दिईएको थियो ।
यस क्षेत्रकै प्रख्यात डाक्टर २०५६ सालदेखी स्वास्थ्य क्षेत्रमा काम गर्दे आएका छन् भने उनी पेट रोग बिशेषज्ञ तथा फिजिसियन हुन । आफ्नो बाल्यकाल देखिका स्मरणहरुका साथै भोग्नुपरेको समस्याहरु र सफलताको कुराहरुका साथै युवाहरुमाझ जिवन जिउने कला, शिक्षाका कुरा, आचरण र संस्कारका कुराहरुको बारेमा प्रबचन दिएका थिए ।
बिभिन्न कलेजका बिद्यार्थीहरु, बास नेपालका स्वयंसेवकहरु, बाँके शाखा, उपशाखा र ईकाईहरुका पदाधिकारी गरी जम्मा ४० जना सहभागी रहेको उक्त ईन्स्पाईरिङ युथ कार्यक्रम बास नेपालका जनसम्पर्क अधिकृत माधव कार्कीले सञ्चालन गरेका थिए ।
