७ वैशाख ,२०८२/ नेपालगन्ज रंगशालामा जारी अन्तराष्ट्रिय आमन्त्रण लुम्बिनी कप महिला फुटबल प्रतियोगितामा घरेलु टोली बाँके–११ लाई तिन शुन्यले पाखा लगाउँदै रौतहट जिल्ला फुटबल संघले सेमीफाइनलमा आफ्नो स्थान सुरक्षित गरेको छ ।
आज रौतहटलाई जित दिलाउन खेलको पहिलो हापको २८ औ मिनेटमा जेनिफर रानामगरले एक गोल गर्न सफल भइन ।
जेनिफरको पहिलो गोलले रौटहतको टोलीलाई निकै उत्साहित बनाएको थियो । खेलको पहिलो हाप सकिदा सम्म बाँकेका तर्फबाट कसैले पनि गोल गर्न सकेन । खेलको दोस्रो हापमा पनि बाकेले कुनै उपलब्धि हासिल गर्न सकेन । रौतहटका तर्फबाट खेलको दोस्रो हापको ४५ औ मिनेटमा समिक्षा राईले एक गोल गर्न सफल भइन ।
दोस्रो हापमा समिक्षाले अर्को गोल रौतहटका तर्फबाट गरीरहदा बाँके–११ ले निकै सकसपुर्ण खेल खेलीरहेको थियो । निकै राम्रो प्रस्तुती दिइरहेकी बाँके–११ कि गोलकिपर राधिका वली घाइते भएपछि बाँकेको टिमले सोचे अनुसारको प्रस्तुती दिन सकेन । यद्यपी अन्तिम अवस्थासम्म बाँकेले कोसीस भने जारी राख्यो भने रौतहटले पनि धेरै पटक गोल गर्न सक्ने अवसर गुमायो । नजिता राम्रो आएपनि रौतहटका यो खेल सोचेअनुरुप हुन सकेन ।
यसैगरी रौतहटकै तर्फबाट खेलको ५१ औ मिनेटमा पियुली रोयले गरेको गोल निर्णायक बन्न पुग्यो । आजको खेलमा सिम्रन राई प्लेयर अफ दि म्याच घोषित भइन् । उनलाई संघिय सांसद तथा नेपाली कांग्रेसका सहमहामन्त्री किशोर सिंह राठौरले नगद रु ५ हजार प्रदान गरेर हौसला प्रदान गरेका थिए ।
आजको खेलको प्रमुख रेफ्रि कृति सेन रहेका थिए भने सहायक रेफ्रिहरुमा जमुना आले, अनुप सिङ थारु र अमर घले रहेका थिए । आजको खेलमा बाँके–११बाट सलिना सुनार र आयुषा रेउलेले पहेलो कार्ड पाए । यसैगरी रौतहटबाट अनिसा राईले एल्लो कार्ड पाएकि थिइन ।
रौतहट जिल्ला फुटबल संघका कोच भोजराज घिमिरेले नेपालगंज रंगशालामा आएर आफूले सोचे अनुसार खेल खेल्न नसकेपछि पाएको सफलताले सेमीफाइनलमा राम्रो नजिता दिने बताएका छन । यस्तै क्याप्टेन सलोनी रानामगरले टिमले गरेको प्रयासको प्रशंसा गर्दे आफूले अझै मेहनत गर्ने बताएकि छिन ।
बाँके–११ का कोच सानु तामाङले समय थोरै भएका कारण अभ्यास गर्न नपाएको र खेलमैदानको अभावका कारण पनि यो नजिता ब्यहोर्नु परेको बताएका छन । घरेलु टोली भएर पनि सेमीफाइनल खेल्न नपाएको कुराले केही दुखी भएतापनि आगामी दिनमा राम्रो प्रस्तुती दिने उनले बताए । यस्तै बाँके–११ का क्याप्टेन उर्बसी शाहीले प्रर्याप्त तालिम र अभ्यास नियमित हुन आवश्यक रहेको बताएकी छिन ।
रौतहटले फाइनल प्रवेशको लागि वैशाख १० गते विभागीय टोली सशस्त्र प्रहरी बलको एपिएफ क्लब र कर्णाली प्रदेशबीचको विजेतासँग खेल्नेछ । एपिएफले भोली सोमबार कर्णाली प्रदेश फुटबल संघसँग प्रतिस्पर्धा गर्नेछ ।
बाँके जिल्ला फुटबल संघको सहकार्यमा भएको प्रतियोगिताको विजेताले ५ लाख ५ हजार ५५५ रुपैयाँ र उपविजेताले २ लाख ५० हजार रुपैयाँ, ट्रफी, मेडल प्राप्त गर्नेछन् । हरेक खेलका ‘प्लेयर अफ द म्याच र प्रतियोगितामा विधागततर्फ उत्कृष्ट हुनेलाई पनि पुरस्कृत गरिने आयोजक अन्तरालले जनाएको छ ।
