सल्यान/ गर्मी बढेसंगै आगलागीका घटनाहरु बढ्दै गएका छन । घरमा आगलागी हुँदा सल्यानमा एक जनाको ज्यान गएको छ ।
आगलागीबाट शारदा नगरपालिका १० मदाना निवासी ३० वर्षीय राम बहादुर सुनारको सुती रहेको अवस्थामा मृत्यु भएको जिल्ला प्रहरी कार्यालय सल्यानले जनाएको छ ।
मङ्गलवार राती करिब १० बजेको समयमा उज्यालोको रुपमा प्रयोग हुने सल्लाको दियालोबाट आगलागी हुँदा उनको मृत्यु भएको अनुमान गरिएको प्रहरीले जनाएको छ ।
उनी घरमा एक्लै थिए ।
घटनाको बारेमा थप अनुसन्धान भइरहेको छ ।
