नेपालगन्ज/ बाँकेको खजुरा गाउँपालिका वडा नम्बर ८ स्थित रनियापुरबाट गाई, गोरुको मासु प्रहरीले बरामद गरेको छ ।
मासु कोहलपुर लैजाने क्रममा बरामद गरिएको हो ।
खजुराको इलाका प्रहरी कार्यालय धनौली बाट खटिएको टोलिले बैजनाथ गाउँपालिका वडा नम्बर ८ मा पर्ने सडकबाट बाट अटो रिक्सामा लोड गरिएको बोरामा राखिएको मासुलाई बरामद गरेको हो ।
बाँकेको खजुरा रनियापुर क्षेत्रमा गाईको मासु काटेर बिक्रि हुँदै आएको यस अघिका घटनाहरुबाट पुष्टि हुँदै आएको छ ।
१३ वटा बोरामा रहेको गाई, गोरुको मासु बरामत गरि इलाका प्रहरीले आफ्नो कार्यालयको परिसरमा खाल्डो खनेर पुरेको बताएको छ ।
झण्डै ६ कुइटल ५० केजि बढि मासु बरामद गरेको इलाका प्रहरी कार्यालय धनौलीले गाईको मासु हो या होइन भनेर ल्याव परीक्षणको लागि ल्यावमा पठाईएको जनाएको छ ।
