नेपालगन्ज/ सुर्खेतको बिरेन्द्रनगर सुब्बाकुना नजिक भएको सडक दुर्घटनामा एक मोटरसाईकल चालकको मृत्यु भएको छ ।
शनिबार साँझ ६ बजेको समयमा सुर्खेतको बिरेन्द्रनगर नगर पालिका वडा नम्वर १२ सुब्बाकुनाबाट ३०० मिटर अगाडी सुर्खेतबाट नेपालगन्ज तर्फ जाँदै गरेको युनाईटेड एजुकेशनल एकेडेमी नेपालगन्जको भे १ क ११२२ नम्वरको बसले बिपरित दिशातर्फबाट आईरहेको भे ३ प ९७४० नम्वरको मोटसाईकललाई ठक्कर दिएको थियो ।
उक्त ठक्करबाट घाईते मोटरसाईकल चालक सुर्खेतको बिरेन्द्र नगरपालिका ११ धुलियाबिट बस्ने बर्ष २६ को मनोज सुनारको खुट्टा, टाउकोमा चोट लागि प्रदेस अस्पताल कालागाउँ सुर्खेतमा पठाईएका सुनारको उपचारका क्रममा निधन भएको छ ।
बस चालक नेपालगंज उपमहानगर पालिका ११ बस्ने बर्ष ५९ का रमेश कुमार बर्मा र बस जिल्ला प्रहरी कार्यालय सुर्खेतको नियन्त्रणमा छन् ।
एकेडेमीको बस शैक्षिक भ्रमणको लागि सुर्खेत गएको थियो ।
