नेपालगन्ज/ नेपालगन्जमा गए राती मोटरसाइकल दुर्घटनामा परी एक युवा व्यवसायीको ज्यान गएको छ ।
आदर्शनगरस्थित मानव सेवा आश्रम नजिक सडकमा रुपैडिहादेखि नेपालगन्जतर्फ आउँदै गर्दा युपी ४३ एजेड ६४६७ नम्बरको मोटरसाइकल अनियन्त्रित भई शुक्रबार राती करीब ९:४५ बजे दुर्घटना हुँदा चालक नेपालगन्ज – २ बागेश्वरी टोल नजिक ग्यारेन्टी गहना पसल सञ्चालन गर्दै आएका व्यवसायी ३८ वर्षीय मनिस कुमार श्रीवास्तवको मृत्यु भएको हो ।
दुर्घटनामा गम्भीर घाइते भएका उनको भेरी अस्पतालमा उपचारको क्रममा मृत्यु भएको प्रहरीले जनाएको छ ।
