नेपालगन्ज/ संविधानसभा सदस्य अब्दुल हमिद सिद्दिकी (भोला) को निधन भएको छ ।
बाँकेको नेपालगन्ज उपमहानगरपालिका वडा नम्बर ४ गणेशपुर निवासी नेपाली कांग्रेस नेता सिद्दिकीको ६० वर्षको उमेरमा गएराती हृदयाघातबाट निधन भएको हो ।
मुस्लिम समुदायका अगुवा सिद्दिकी दोस्रो संविधानसभा २०७० मा समानुपातिकतर्फ सभासद भएका थिए ।
उनको आज अपरान्ह ४ बजे नेपालगन्जको कब्रस्थानमा अन्त्येष्टि गरिने परिवारले जनाएको छ ।
