काठमाण्डौँ/ असल शासन पोष्टका सम्पादक नमस्कार शाह काठमाण्डौँमा सम्मानित भएका छन् । ३३ औं अन्तर्राष्ट्रिय अपाङ्ग दिवसको अबसरमा आयोजित कार्यक्रममा शाह सम्मानित भएका हुन् ।
शाह लगायत रेडियो नेपालकि बिधा चौधरी र पत्रकार कुशल अर्याल सम्मानित भएका छन । लामो समयदेखि आम सञ्चार माध्यामबाट अनवरत रुपमा अपाङ्गता भएको ब्यक्तिहरुको सवाललाइ उजागर गरी अपाङ्गता समावेशी विकासका लागि पुरयाएको योगदानको उच्च कदर गर्दै राष्ट्रिय अपाङ्ग महासंघ नेपालले उक्त सम्मान गरेको हो ।
काठमाण्डौँको भृकुटीमण्डपमा आयोजित विशेष समारोहमा नेपाल सरकारका महिला, बालबालिका तथा जेष्ठ नागरिक मन्त्री नवल किशोर शाह सुडि, राष्ट्रिय अपांग कोषका सभापति डेकराज भट्टराई, राष्ट्रिय अपाङ्ग महासंघ नेपालका संघीय अध्यक्ष देबिदत्त आचार्यले त्रय पत्रकारहरुलाई सम्मान पत्र प्रदान गर्नुका साथै दोसल्ला ओढाएर सम्मान गरेका थिए ।
