बाँके/ बाँकेको नेपालगन्ज/कोहलपुर सडक खण्डमा बस दुर्घटना हुँदा २ जनाको मृत्यु भएको छ ।
दाङबाट नेपालगन्ज आउँदै गरेको बस जानकी गाउँपालिका गनापुर नजिकै पार्वतीपुरमा दुर्घटना हुँदा २ जनाको मृत्यु र कम्तीमा २५ जना घाइते भएका छन् ।
आज बिहान दाङबाट नेपालगन्जका लागि छुटेको भे १ ख २१२८ नम्बरको बस नेपालगन्ज पुग्नै लाग्दा दुर्घटना भएको हो ।
घाइतेहरु मध्ये २१ जनाको भेरी अस्पतालमा, ५ जनाको कोहलपुर स्थित मेडिकल कलेजमा १ जनाको नेपालगन्ज नर्सिङ होममा उपचार भइरहेको बाँके प्रहरी प्रवक्ता डिएसपी नारायण डाँगीले बताए । मृतकको नाम भने खुलिसकेको छैन ।
तिव्र गतिमा रहेका कारण बस अनियन्त्रित भएर पल्टेको स्थानीयले बताएका छन् ।
