नेपालगन्ज/असल शासन पोष्ट साप्ताहिकका सम्पादक नमस्कार शाह सम्मानित भएका छन् ।
दलित महिला संघ (फेडो) बाँकेबाट सम्पादक शाह सम्मानित भएका हुन् ।
संघको आज सम्पन्न १७ औं बार्षिक साधारण-सभामा शाहलाई सम्मान गरिएको थियो ।
दलित, महिला तथा समाजमा पछाडी पारिएको बर्गको उत्थानका लागि सामाजिक सेवामा पुर्याएको योगदानको कदर गर्दै शाहलाई सम्मान गरिएको हो ।
साधारण-सभाका प्रमुख अतिथी जिल्ला समन्वय समिती बाँकेका प्रमुख ज्ञानेन्द्र चौधरी, फेडोकी अध्यक्ष निर्मला सुनार, फेडोकी केन्द्रीय सचिव हिमा सुनार लगायतले शाहलाई सम्मान पत्र प्रदान गरेका थिए ।
सोही कार्यक्रममा दलित हक, अधिकार प्राप्तीका लागि क्रियाशिल बैजनाथ गाउँपालिकाकी निबर्तमान उपाध्यक्ष शारदा बिश्वकर्मालाई सम्मान गरिएको थियो ।
