मुगु खोपबारे ज्ञान वृद्धि गर्ने तथा खोपको सुनिस्चितता मार्फत बाल संरक्षण गर्ने उदेश्यका साथा मुगुको छायाँनाथ रारा नगरपालिकामो एक दिने खोप तथा बाल विवाह सम्बन्धि अभिमुखिकरण सम्पन्न भएको छ । बालक्लवका पदाधिकारीहरु तथा किशोरीहरु सहित २६ जनाको सहभागिता रहेको एकदिने अनुसिक्षणात्मक अभिमुखिकरण यनिसेफ नेपालको सहयोगमा बास नेपालले आयोजना गरेको थियो । अभिमुखिकरणको उद्घाटन सत्रमा बोल्दै छायाँनाथ रारा नगरपालिकाका उपप्रमुख ऐश्वर्य मल्लले बालबालिकाको अधिकार सुनिस्चित गर्न तथा खोपलाई सत प्रतिशत पुर्य ाउन एकदिने अभिमुखिकरण प्रभावकारी हुने बताइन् । उनले कार्यक्रममा बोल्दै भनिन् “नेपाल सरकारले लिएको राष्ट्रिय खोपको लक्ष्य पूरा गर्ने तथा पालिका भित्र रहेका सबै बालबालिकालाई निधार्रित समयमा खोप लगाई निरोगी र स्वस्थ बनाउन अभिमुखिकरणले टेवा दिने छ ।”
खोपको परिचय, महत्व, खोप तालिका, खोपका फाइदाहरु, बाल विवाह, बाल विवाहका कारण, असर र रोकथामका उपायहरु लगाएको विषयहरु समेटेर प्रदान गरिएको अभिमुखिकरणको सहजिकरण मुगु अस्पतालका चिकित्सक कमल डुंगानाले गरेका थिए ।
बासका पूर्व कार्यक्रम अधिकृत धिरेन्द्र भामले सहजिकरण गरेको अभिमुखिकरणमा नगरपालिकाका स्वास्थ्य शाखा प्रमुख, पालिका भित्र गठन गरेका बाल क्लवका पदाधिकारीहरु, किशोरी संजाल तथा विद्यालयमा अध्ययनरत किशोरीहरुको सहभागिता रहेको थियो ।
