नेपालगन्ज/नेपालगन्ज विमानस्थल परिसरमा निलगाई देखापरेको छ ।
बिमानस्थलको रनवे नजिक देखिएको निलगाईका कारण विमानस्थलमा असुरक्षा देखिएको हो ।
रनवे नजिक रहेको झाडीमा अहिले पनि निलगाई लुकेर बसेको अवस्थामा रहेको बिमानस्थल स्रोतले बतायो ।
बिमानस्थलका अनुसार, सुरक्षाकर्मीसहित सबै लागेर निलगाईलाई बाहिर निकाल्ने प्रयास भइरहेको छ ।
बिमानस्थलमा निलगाई भेटिएपनि विमानस्थल सुचारु रहेको बताए ।
यसअघि पनि पटक-पटक जहाजसँग रनवेमा बँदेल ठोक्किएको घटना सार्वजनिक भएको थियो ।
विमानस्थल भित्र बढेको झाडीमा बँदेल, स्याल, निलगाई जस्ता वन्यजन्तुहरुले बासस्थान बनाउँदा दुर्घटनाको सम्भावना रहँदै आएको छ ।
