कैलाली, १३ भदौ/

कर्णाली पुलबाट हाम फाली एक महिला बेपत्ता भएकी छन् । कैलालीको लम्कीचुहा नगरपालिका ३ चिसापानी स्थित कर्णाली पुलबाट हाम फाली एक महिला बेपत्ता भएको ईलाका प्रहरी कार्यालय चिसापानीका प्रहरी निरीक्षक हरीराम डाँगीले जानकारी दिएका छन ।

नाम, थर नखुलेको अन्दाजी  ४०–४५ वर्षकी महिलाले आज दिउसो ३ बजे पुलबाट हाम फालेको डाँगीले बताए । बेपत्ता महिलाको खोज तलास भईरहेको छ । नदीमा पानीको बहाव धेरै भएकाले खोज तलासका लागि कठिनाई भईरहेको उनले बताए ।