नेपालगञ्ज / बडा दशैको अवसरमा सिराहाको गोलबजार नगरपालिकामा शुभकामना आदान प्रदान कार्यक्रमको आयोजना गरिएको छ ।
बास नेपालले गर्दै आएको सबै जिल्लाहरुको साझा कार्यक्रम अन्तर्गत असोज महिनाको कार्यक्रममा बिजया दशमी तथा शुभदिपावलीको अवसरमा शुभकामना आदान प्रदान कार्यक्रम गर्ने निर्णय अनुरुप आज सिराहा शाखाले उक्त कार्यक्रम आयोजना गरेको हो ।
सिराहाको गोलबजार नगरपालिकामा भेला भई शाखा तथा उपशाखाका पदाधिकारीहरु माझ चियापान कार्यक्रम का साथै बिजयादशमीको शुभकामना आदान प्रदान गरिएको सिराहा शाखा अध्यक्ष राम चन्द्र शाहले बताए ।
शुभकामनाका साथै भेला भएका पदाधिकारीहरु माझ बासले नेपालले बिगतमा गरेका कार्यक्रमको समिक्षा तथा शाखाले आगामी दिनमा गर्न सकिने कार्यक्रम र योजनाका बारेमा पनिछलफल गरिएको अध्यक्ष शाहले बताए । बास नेपाल सिराहा शाखाका सबै पदाधिकारीहरु, बास सिराहाका सल्लाहाकार पर्सुराम साह, शाखाका पुर्ब अध्यक्ष गोबिन्द राज बिष्ट लगाएतको सहभागितामा कार्यक्रम सञ्चालन गरिएको थियो ।
