बाँके/ बाँकेको डुडुवामा रहेको जयेन्दु बाल सुधार गृहमा झडप भएको छ ।
पटकपटकपटक झडप हुँदै आएको उक्त सुधार गृहमा पछिल्लोपटक आज भएको बालबन्दीबीचको झडपमा ६ जना घाइते भएका छन् ।
प्रहरीका अनुसार घाइते ६ जनालाई उपचारका लागि नर्सिङहोम नेपालगञ्ज ल्याइएको छ ।
प्रहरीका अनुसार, बाल सुधार गृहमा राति ११ बजेबाट झडप शुरु भएको थियो । घटनाको जानकारी पाउने बित्तिकै ठूलो संख्यामा प्रहरी घटनास्थलमा पुगेको थियो ।
प्रहरीलाई भित्र जान नदिईएका कारण झडपलाई नियन्त्रणमा लिन ढिलाई भएको बुझिएको छ । घटना स्थलबाट कति भागे भन्ने यकिन हुन सकेको छैन ।
बाल सुधार गृहमा अढाइ सय बालबन्दी रहेका छन् ।
