काठमाडौँ । नेपाल प्रहरीका ९० जना डीएसपीहरुको सरुवा गरिएको छ ।
प्रहरी प्रधान कार्यालयले एसपीहरुको सरुवासङ्गै डीएसपीहरुको सरुवा गरेको हो ।
डडेलधुरामा वरुण सिंह, भृकुटीमण्डपस्थित नगर प्रहरी कार्यालयमा प्रह्लाद कार्की, प्रहरी वृत्त गौशालामा प्रकाश श्रीमल र दरबारमार्ग वृत्तमा नारायण डाँगीलाई सरुवा गरिएको छ ।
प्युठानमा नरहरि अधिकारीलाई पठाइएको छ भने प्रहरी वृत्त मालिगाउँमा धनबहादुर बोहरालाई पठाइएको छ ।
प्रहरी वृत्त जगातीमा चञ्चला श्रेष्ठलाई सरुवा गरिएको छ । इलाका प्रहरी कार्यालय कोहलपुरमा चक्र बहादुर डम्बरपाललाई सरुवा गरिएको छ भने ईलाका प्रहरी प्रमुख लक्ष्मी खनाललाई अपराध अनुसन्धान बिधालय प्रशिक्षण व्यवस्थापन शाखा महाराजगन्ज पठाइएको छ ।
सङ्खुवासभाको इन्चार्जमा कुमारप्रसाद मैनाली र पाँचथरमा अनिश कर्णलाई पठाइएको छ ।









