रातिको खाना किन ढिला गर्न हुँदैन ?

डाक्टर सुष्मा साउँद

धेरैको बानी हुन्छ राति ढिला खाना खाने । तर यसो गर्नु शरीरको दीर्घ स्वास्थ्यका लागि राम्रो मानिदैन ।
१‍. रातिको खाना बेलैमा खानुहोस्
बेलुकाको खाना सकेसम्म सूर्यास्तपछि केही समयभित्र, करिब ८ बजेसम्म खाइसक्नु राम्रो मानिन्छ ।
राति ढिलो खाना खाँदा पाचन प्रणालीमा अनावश्यक दबाब पर्छ ।
२. खाना र सुताइबीच कम्तीमा २ घण्टाको अन्तर
खाना खाएको कम्तीमा २ घण्टापछि मात्र सुत्नुपर्छ ।
खाना खाएलगत्तै सुत्दा पाचन कमजोर हुन्छ, शरीर भारी महसुस हुन्छ र मोटोपन बढ्न सक्छ ।
३. राति समयमै सुत्ने
मानिस प्राकृतिक रूपमा राति आराम गर्ने जीव भएकाले अबेरसम्म जाग्राम बस्नु स्वास्थ्यका लागि उपयुक्त मानिँदैन । पर्याप्त निद्राले शरीर र मस्तिष्क दुवैलाई पुनः ऊर्जावान बनाउन मद्दत गर्छ ।
४. निद्राको अवधि प्रकृतिअनुसार
तपाईंको शरीर कफ प्रकृति हो भने ६ देखि ८ घण्टाभन्दा बढी नसुत्नु राम्रो हुन्छ ।
शरीर पित्त प्रकृति हो भने ७ देखि ८ घण्टाको निद्राले पुग्छ ।
तर तपाईंको शरीर वात प्रकृतिको हो भने ८ घण्टा वा योभन्दा केही बढी निद्रा आवश्यक पर्न सक्छ, किनकि उनीहरूको निद्रा प्रायः हल्का वा अनियमित हुन सक्छ ।
सारमा, बेलुकाको खाना समयमै खानुहोस् । खाना र सुताइबीच कम्तीमा २ घण्टाको अन्तर राख्नुहोस् । राति समयमै सुत्ने गर्नुहोस् । आफ्नो प्रकृतिअनुसार पर्याप्त निद्रा लिनुहोस् ।
यी बानीहरूले पाचन, तौल नियन्त्रण, मानसिक स्वास्थ्य र समग्र स्वास्थ्यलाई सन्तुलित राख्न सहयोग पुर्‍याउन सक्छन् ।

  • २४ असार २०८३, बुधबार प्रकाशित

  • Nabintech