बाँके / बैदेशिक रोजगार बाट फर्किएका महिलाहरुलाई उत्साहि बनाउन आत्मनिर्भर बनाउने प्रयास गरिएकोछ ।
बाँकेको खजुरा गाउँपालिकामा वैदेशिक रोजगारबाट फर्किएर व्यावसाय गरिरहेका ५ जना महिलाहरुलाई प्रतिव्यक्ति १५ हजारका दरले सहयोग गरिएको दलित महिला संघ बाँकेका सामाजिक परिचालक टिक कुमारी बिकले बताइन ।
दलित महिला संघले खजुरा गाउँपालिकामा एक कार्यक्रमका बिच रकम हस्तान्तरण गरिएको हो ।
सोही कार्यक्रममा गाउँपालिकाका उपाध्यक्ष,विभिन्न निकायका प्रतिनिधि तथा वैदेशिक रोजगारबाट फर्किएका महिलाहरु बिच छलफल पनि गरिएको दलित महिला संघ बाँकेका सामाजिक परिचालक बिकले बताईन ।
कार्यक्रममा खजुरा गाउँपालिकाका उपाध्यक्ष एकमाया बिकले व्यावसाय क्षेत्रमा लागेका व्यक्तिहरुलाई थप उत्साही बनाउन प्रयासरत रहेको बताईन ।
