चितवन/ त्रिशूली नदीमाथि पुल बनाउने क्रममा खसेर एक जना मजदुरको ज्यान गएको छ भने दुई जना बेपत्ता भएका छन् । यस्तै ८ जना घाइते भएका छन् ।
प्रहरीका अनुसार चितवनको भरतपुर महानगरपालिका–१ ठिमुरामा देवघाट जोड्ने पुलमा ट्रस राख्ने क्रममा खस्दा एक जनाको ज्यान गएको हो ।
त्रिशूलीमा खसेका अरु दुई जना बेपत्ता भएका छन् भने ८ जना मजदुर घाइते भएका छन् ।
घाइतेहरुको चितवन मेडिकल कलेजमा उपचार भइरहेको छ ।
बिहान ९ बजेतिर पुलमा ट्रस राख्ने क्रममा ट्रससहित उनीहरु नदीमा खसेका प्रहरीले जनाएको छ ।
हराइरहेका दुई जनाको खोजी भइरहेको छ ।
