नेपालगन्ज/नेपाल विद्युत प्राधिकरण वितरण केन्द्र नेपालगन्जमा बिद्युत महसुल भुक्तानी गर्नेहरुको घुईंचो लागेको छ ।
अनलाईन भुक्तानिमा समस्या आएपछि उपभोक्ताहरुको घुईंचो लागेको हो ।
असार मसान्तका साथै अनलाईन भुक्तानी नहुँदा उपभोक्ताहरुको चाप ह्वात्तै बढेको बिद्युतले जनाएको छ ।
दिनहुँ विद्युत प्राविधिकरणमा पाँच सय बढिको भिड लाग्ने गरेको छ । कोरोनाको कहर कायमै रहिरहँदा महसुल भुक्तानीका लागि सरकारी मापडण्ड बिपरित बिद्युतमा भिड अव्यवस्थित रुपमा बढिरहेको छ ।
ग्राहक कैलाश शर्माले विहान नौ बजे देखि एक बजे सम्म चर्काे घाममा बिद्युत महसुल तिर्न लाईनमा बस्नु परेको बताए ।
यस बारे बितरण केन्द्र नेपालगञ्जका प्रमुख लखन लला मलिक अनलाईन समस्याका कारण भिड बढेको र समस्या चाँडै समाधान हुने बताउँछन् ।
