नेपालगन्ज–नेपालगन्ज उपमहानगरपालिकाका प्रमुख डा.धवल शमशेर राणाले एक महिनाको तलब भत्ता बराबरको ५० हजार रुपैयाँ जयश्रीराम स्पोर्टद्वारा सञ्चालित जय श्रीराम शक्ति दल लाठी समितिलाई प्रदान गरेका छन् । नगर प्रमुख राणाले एक महिनाको तलब भत्ताबापतको चेक समितिका अध्यक्ष राजकुमार वैश्यलगायतलाई हस्तान्तरण गरेका हुन् ।
सो अवसरमा नगर प्रमुख राणाले आगामी दिनमा पनि सामाजिक क्षेत्रमा काम गर्ने संस्था तथा समितिलाई सहयोग गर्ने प्रतिबद्धता व्यक्त गरेका छन् । उनको प्रतिबद्धता अनुरुप यसअघि पनि विभिन्न समिति, संस्था तथा विपन्न वर्गहरुलाई सहयोग प्रदान गर्दै आएका छन् । सहयोग प्रदान कार्यक्रममा राप्रपा बाकेका अध्यक्ष नरेन्द्र पौडेल, समितिका सुशीलकुमार कमललगायतले बोलेका थिए । उनीहरुले नेपालगन्जबाट मेयर धवल शमशेर राणाले सुरु गरेको प्रयास अन्य क्षेत्रमा पनि हुन जरूरी रहेको बताएका थिए । कार्यक्रममा राप्रपाका नेता ओमप्रकाश आजाद, तेजविक्रम शाह, वडा नम्बर ८ का वडाध्यक्ष सुरेन्द्र गुप्तालगायतको सहभागिता थियो ।