बाँके / बाँकेको खजुरा गाउँपालिकाले नेपालगन्जका पत्रकार शंकरप्रसाद खनाललाई सम्मान गरेको छ । सम्पादक खनाल अन्नपूर्ण पोस्ट् बाँकेका उप–सम्पादक हुन् ।
१११औं नारी दिवसको अवसरमा सोमबार खजुराको वडा नं. ३ लाई बालविवाह मुक्त घोषणा समारोहमा बालविवाहविरुद्ध उल्लेखनीय समाचार सम्प्रेषण गरेको भन्दै खनाललाई सम्मान गरिएको गाउँपालिकाले जनाएको छ ।
जिल्ला समन्वय समिति बाँकेका प्रमुख अजयकुमार श्रीवास्तव र खजुरा गाउँपालिका अध्यक्ष किश्मतकुमार कक्षपतिले खनाललाई सम्मान गरेका हुन ।
