बैतडी / बैतडी र दार्चुलाको सिमानामा पर्ने चौलानी नदीमा एक युवक मृत अवस्थामा भेटिएका छन ।
दार्चुलाको लेकम गाउँपालिका–१ सेजालीका ३५ वर्षीय रमेश कार्की आइतबार फेला परेको प्रहरीले जनाएको छ ।
कार्की बैतडीको दोगडाकेदार गाउँपालिका–६ स्थित चौलानी नदीको बीच भङ्गालोमा मृत फेला परेका हुन ।रमेशको कसरी मृत्यु भयो भन्ने यकिन हुन सकेको छैन ।
गत शुक्रबार शिवरात्रि मेला हेर्न गोकुलेश्वर गएका कार्की घर नफर्केपछि खोजतलास गर्दै जाँदा चौलानीमा मृत भेटिएका हुन्।
घटनाको थप अनुसन्धान भइरहेको प्रहरीले जनाएको छ।
