नेपालगन्ज/ बाँके प्रहरीले भन्सार छलेर ल्याएको सामान बेवारिसे अवस्थामा फेला पारेको छ । प्रहरीले नेपालगन्ज उपमहानगरपालिका वडा नम्बर १० ट्राफिक चोकबाट सोमबार विभिन्न लत्ता कपडा एवम् चिनी फेला पारेको हो ।
फेला परेका सामग्रीमा रुमाल (३८४ दर्जन), लेडिज लुङ्गी (३६० पिस), लेडिज कुर्ती (२१० पिस), अण्डर वेयर (१ बोरा), चिनी (३ बोरा) र लेडिज सुट(१९ पिस) रहेको छ ।
प्रहरीका अनुसार फेला परेका सामग्रीको मूल्य दुई लाख अठहत्तर हजार रहेको छ । उक्त सामानलाई आवश्यक कारबाहीको लागि भन्सार कार्यालय नेपालगन्ज बाँकेमा पठाइएको बाँके प्रहरीले जनाएको छ ।
