नेपालगन्ज/ खजुरा गाउँपालिका ६ सिमलघारीका बालक जनक बि.क.को उपचारका लागि रु. २० हजार सहयोग प्रदान गरिएको छ ।
बास नेपालले सो सहयोग प्रदान गरेको हो ।
काठमाण्डौं स्थित तिलगंगा आँखा अस्पतालमा उपचारार्थ जनकलाई बास नेपालका प्रतिनिधि बिमल क्षेत्रीले सहयोग हस्तान्तरण गरेका हुन् ।
जनक र उनकी कान्छी आमा जमुना बि.क. लाई सहयोग हस्तान्तरण गरिएको हो ।
आँखामा समस्या आएपछी उपचार गर्दा पर्दामा समस्या आएको अस्पतालले जनाउँदै जनकको आँखाको पर्दा केही महिना अघि परिवर्तन गरिएको थियो ।
असार १७ गते उनको दोश्रो शल्यक्रिया हुँदैछ, उनको आँखामा जम्मा भएको तेल निकालिदै छ ।
आर्थिक अभावमा रहेका उनलाई सहयोग अभियान संचालन गरिएको थियो । विभिन्न दाताहरुबाट संकलित रकम उनलाई हस्तान्तरण गरिएको हो ।
सो सहयोगबाट जनकले अब दुबै आँखाले संसार हेर्ने भएका छन् । जनक दृष्टिबिहिन जय बहादुर बि.क. का छोरा हुन् ।
