कोहलपुर/बाँकेको कोहलपुरमा बिहान सडक दुर्घटना भएको छ ।
कोहलपुरको पिपल चौतारा बिधुत रोडमा बिहान भएको दुर्घटनाबाट एकै परिवारका तिन जना घाइते भएका छन् ।
बिहान १०ः५० बजे कोहलपुर देखि नेपालगन्ज तर्फ आउँदै गरेको रा. १ झ. १७६ नम्बरको सरकारी गाडीले भे. ५ प. ५३०८ नम्बरको मोटरसाइकललाई ठक्कर दिँदा मोटरसाईकल चालक सहित मोटरसाईकलमा सवार महिला र बच्चा घाइते भएका छन् ।
घाइतेहरुलाई कोहलपुर मेडिकल कलेज दस बिगाहामा उपचार भईरहेको कोहलपुर प्रहरी जनाएको छ । प्रहरीका अनुसार गाडी चालक प्रहरीको नियन्त्रणमा रहेका छन् ।
