नेपालगन्ज/ कोहलपुर- सुर्खेत सडक अवरुद्ध पारिएको छ ।
सडक दुर्घटनामा मृत्यु भएका व्यक्तिका परिवारलाई क्षतिपूर्ति दिने बिषयमा बिबाद भएपछि सडक अबरुद्ध पारिएको हो ।
मोटरसाइकल चालक बाँके बैजनाथ गाउँपालिका वडा नम्बर ४ बस्ने रमेश चन्द ठकुरीको शुक्रबार दिउँसो सल्लीबजारदेखि काेहलपुर आउने क्रममा हर्रे नजिक बसको ठक्करबाट घटनास्थलमै मृत्यु भएको थियोे ।
सडक अवरुद्ध हुँंदा उक्त खण्डमा चल्ने यातायात सेवा ठप्प भएको छ ।
प्रहरीका अनुसार मृतकका परिवार तथा आफन्तले सुर्खेतको छिन्चु र बाँकेको बानियाभार तथा चिसापानीको च्यामा नजिक सडक अवरुद्द गरेका छन ।
मृतकका परिवारले पाँच लाख भन्दा बढी क्षतिपुर्ती मागेका छन भने गाडी धनीले पाँच लाख भन्दा बढी दिन नसक्ने अडान लिएका छन् ।
क्षतिपुर्तीका विषयमा सहमति नहुँदा आफन्तले शव बुझेका छैनन् ।
ठकुरीकाे शव सुर्खेतस्थित मेहेलकुना अस्पतालमा राखिएको बताइएको छ ।
