नेपालगन्ज/बिगत १९ वर्षदेखि नेपालगन्जमा संचालन हुँदै आएको वेस्टर्न अस्पतालले सिकिस्त बिरामीको उपचार सेवालाई थप प्रभावकारी बनाउन ८ बेडको लेभल ३ आइसियु सेवा सुरु गरेको छ ।
आइसियुमा भर्ना हुने प्रत्येक बिरामीका लागि एक एक जना तालिम प्राप्त डेडिकेटेड नर्सका साथै २४ सै घन्टा क्रिटिकल केयर कन्सल्टेन्ट डाक्टर डिउटीमा रहने व्यवस्था मिलाइएको छ ।
यस्तो सुविधा भएको आइसियु संचालन गर्ने वेस्टर्न अस्पताल काठमाडौं उपत्यका बाहिरको पहिलो निजी अस्पताल हो ।
यसका साथै आइसियु मै डाइलासिस सुविधा छ । ६ वटा भेन्टिलेटर सहित अत्याधुनिक उपकरणहरु छन् ।
वेस्टर्न अस्पतालले आजै देखि ६ बेडको एचडियु सेवा पनि सुरु गरेको छ भने केहि दिन मै ६ बेडको एनआइसियु संचालन गर्ने तयारी गरि रहेको छ । वेस्टर्न अस्पतालमा ९ बेडको अप्रेशन थियटर छ ।
आइसियु लगायतका सुविधाहरु बढाउनका लागि करिब ५ करोडको लागतमा उपकरण र पुर्बाधारहरु थप गरिएको छ ।
