नेपालगन्ज/ घटस्थापनामा स्थापना गरिएका दुर्गा भवानीको मूर्ति (प्रतिमा) आज नदीमा सेलाइँदैछ ।
बाँके जिल्ला भर स्थापना गरिएका दुर्गा मूर्ति राप्ती नदी, मानखोला लगायतका नदिमा सेलाउने गरिन्छ ।
र्याली सहित मुर्ती सेलाउने दिनमा व्यापक सुरक्षा अपनाईएको छ ।
मूर्ति सेलाउने क्रममा भक्तजनका लागि प्रसाद वितरण गर्नका लागि ठाउँ-ठाउँमा भण्डारा स्थापना गरिएको हुन्छ ।
घटस्थापनामा स्थापना गरिने दुर्गाको मूर्ति नौ दिनसम्म विशेष पुजापाठ गरी दसैँको भोलीपल्ट सेलाउने परम्परा रहेको छ ।
आज मुर्ती बिसर्जन गर्ने दिनमा सामाजिक सद्भाव कायम राख्न बाके प्रशासनले उच्च सुरक्षा रणनीति अवलम्बन गरेको छ । आजको दिन बिहान ८ बजेदेखि राती १२ बजेसम्मका लागि बाँके जिल्ला भर मदिराजन्य पदार्थको ओसारपसार, बिक्री वितरण तथा उपभोग गर्न निषेध गरिएको छ ।
बाँके प्रशासनले साँझ ५ बजे अघिनै मूर्ति विसर्जन गरि सक्न आग्रह गरेको छ । बाँके जिल्लामा ६०० दुर्गा मूर्ति स्थापना गरिएको बताईएको छ ।
विसर्जनका क्रममा हुन सक्ने दुर्घटनाको जोखिम न्युनिकरणका लागि प्रशासनले सिधनिया घाटमा उद्वार टोलि खटाएको छ भने अगैयामा गोताखोर सहितको टोलि परिचालन गरिएको छ ।
