सुनसरी/ सुनसरीमा प्रहरी जवानले टाउकोमा गोली हानेर आत्महत्या गरेका छन् ।
कोशी गाउँपालिका–४ मा गएराति प्रहरी जवान अमितेश मण्डलले आफैँलाई गोली हानेका हुन् ।
सप्तरीको रुपनी नगरपालिका–२ का प्रहरी जवान मण्डलले आफु सुत्ने गरेको कोठामा पेस्तोलले गोली हानेको जिल्ला प्रहरी कार्यालयले जनाएको छ ।
मृतकको शव परीक्षणका लागि जिल्ला अस्पतालमा लगिएको छ । उक्त घटनाको विषयमा थप अनुसन्धान भइरहेको बताइएको छ ।
