नेपालगन्ज/ बाँकेमा एक जना फरार ब्यक्तीलाई पक्राउ गर्ने क्रममा बाँके प्रहरीले गोली चलाएको छ ।
ज्यान मार्ने कसुरमा संलग्न बैजनाथ गाउँपालिकाका ३१ बर्षिय आकाश रानालाई पक्राउ गर्दा गोलि चलाएको हो ।
प्रहरीले चलाएको गोली लागेर राना घाइते भएका छन् ।
प्रहरीको खोजी सुचीमा रहेका आकाशलाई पक्राउ गर्न खोज्दा भागेपछि गोली चलाएर नियन्त्रणमा लिइएको बाँकेका प्रहरी प्रमुख प्रहरी उपरीक्षक सुवासचन्द्र बोहराले बताए ।
गत कार्तिक ३० गते बिहान कोहलपुर स्थित चप्परगौडीमा स्थानीय मीन बहादुर बिकलाई आकाश राना सहितका युवाहरूले धारिलो हतियार प्रहार गरेर गम्भीर घाइते बनाएको प्रहरीको भनाई रहेको छ ।
