दार्चुला / दार्चुलाको शैल्यशिखर नगरपालिकामा संयोगले बाबु मेयर, छोरा प्रमुख प्रशासकिय अधिकृत र भतिजो ईन्जिनियर भएर एउटै पालिकामा काम गर्ने अवसर जुरेको छ ।
शैल्यशिखर नगरपालिकामा संघीय मामिला तथा सामान्य प्रशासन मन्त्रालयले प्रमुख प्रशासकीय अधिकृत नपठाउँदा उनीहरुलाई उक्त संयोग जुरेको हो ।
शैल्यशिखर नगरपालिकाकाका मेयर बिजय सिंह धामी रहेका छन् भने हाल उनका छोरा पुस्कर सिंह धामीले प्रमुख प्रशासकीय अधिकृतका रुपमा कार्यभार सम्हालिरहेका छन् । साथै मेयरका भतिजा योगेश सिंह धामी सोही नगरपालिकाको इन्जिनियरका रुपमा कार्यरत छन् ।
पालिकामा प्रमुख प्रशासकिय अधिकृत पठाउन संघिय सरकारले ढिलाई गरेकै कारण बाउ छोरालाई नगरप्रमुख र प्रमुख प्रशासकीय अधिकृत भएर काम गर्ने सौभाग्य जुरेको भएपनि पुस्करको दरबन्दी दार्चुलाकै नौगाड गाउँपालिकामा रहेको बुझिएको छ ।
