नेपालगञ्ज/ बास नेपालको आयोजनामा सञ्चालित उद्घोषण तालिम सम्पन्न भएको छ ।
श्रावण ४ गतेबाट शुरु भएको तालिम श्रावण १३ गते सम्पन्न भएको हो ।
२० जनाको सहभागिता रहेको तालिमको समापनमा बास नेपालका केन्द्रीय अध्यक्ष लुना बुढाथोकी, निबर्तमान अध्यक्ष रमेश सिटौला, उपाध्यक्ष शिब कुमार बर्मा, कार्यकारी निर्देशक नमस्कार शाह लगायतले सहभागिहरुलाई प्रमाणपत्र बितरण गरेका थिए ।
तालिममा सहभागिहरुका तर्फबाट सरस्वती बिसी र चित्र न्यौपानेले प्रतिकृया मन्तव्य दिएका थिए । प्रशिक्षार्थी नैना घिमिरेले सञ्चालन गरेको कार्यक्रममा बास नेपालका निबर्तमान अध्यक्ष रमेश सिटौलाले मन्तव्य व्यक्त गरेका थिए । कार्यक्रमको समापन बास नेपालका केन्द्रीय अध्यक्ष लुना बुढाथोकीले गरेकि थिईन् ।
समापनमा केन्द्रीय सचिव दिला शाह, निर्देशक हेमराज भट्ट, प्रशासन प्रमुख शुद्ध चौधरी, उद्घोषण तालिमका संयोजक अशोक रावल लगायतको उपस्थिती रहेको थियो । तालिममा निबर्तमान अध्यक्ष रमेश सिटौला, कार्यकारी निर्देशक नमस्कार शाह, सचिव दिला शाह, कार्यक्रम प्रबन्धक मन भण्डारी, निर्देशक हेमराज भट्ट, कार्यक्रम सहायक अशोक रावलले प्रशिक्षण दिएका थिए ।
