नेपालगन्ज । श्री जनता माध्यमिक विद्यालय पूर्व विद्यार्थी समाज सन्तकुटी खजुराले आफ्नो तेस्रो स्थापना दिवस विभिन्न कार्यक्रम गरि मनाएको छ ।
समाजले तेस्रोे स्थापना दिवसको अवसरमा असोज ४ गते श्री जनता माबि सन्तकुटी खजुरामा निःशुल्क कान परिक्षण, रक्तदान र वृक्षारोपण कार्यक्रम गरेको छ ।

पूर्व विद्यार्थी समाज र विद्यालयकोे आयोजनामा भएको रक्तदान कार्यक्रममा २३ जना शिक्षक, विद्यार्थीहरुले रक्तदान गरेको समाजका अध्यक्ष झविलाल शर्माले बताए । यसैगरी बिद्यालयमा भएको कान परिक्षणमा ६७ जनाले कान परिक्षण गरेका थिए भने विद्यालयमा विभिन्न जातका विरुवा रोपन गरिएको थियो ।
सो क्रममा पूर्व विद्यार्थी समाजका अध्यक्ष झविलाल शर्मा, विद्यालयका प्रधानाध्यापक महेन्द्र खत्री, क्लिन नेपालगंज ग्रिन नेपालगंज संचालन डा. विनोद कर्ण समाजका सल्लाहकार भुवन गैरे, रक्तसंचार केन्द्रका प्रमुख उपेन्द्र रेग्मी, वि.एन. सामुदायिक कान उपचार सेवा, नेपालगंजका राम वहादुर वोहोरा लगायतको उपस्थिती रहेको थियो ।