परमेश्वरको मण्डली विश्व सुसमाचार समाज जागिरे युवा स्वयंसेवक समूह ASEZ WAO ले साउन १२ गतेका दिन नेपालगञ्जको प्रसिद्ध पर्यटकीय स्थल वाटरपार्कमा साउन १२ गतेका दिन सरसफाई अभियान सम्पन्न गरेको छ । यो कार्यक्रम ‘प्लास्टिकमुक्त (Plastic-Free) २०४०’ अभियानको एक हिस्सा रहेको छ ।
विश्वव्यापी वातावरणीय समस्या बनेको प्लास्टिकको समाधान गर्न सो समूहले विश्वभर यस्ता गतिविधिहरू आयोजना गर्ने गर्छ । विश्वका विभिन्न ठाउँहरूमा जम्मा हुने प्लास्टिकजन्य फोहोरले समुद्री पारिस्थितिक प्रणालीलाई मात्र नभएर मानव स्वास्थ्यलाई पनि जोखिममा पारिरहेको छ । बढ्दो प्लास्टिक प्रदूषणको प्रतिक्रियास्वरूप, अन्तर्राष्ट्रिय समुदायले ‘विश्वव्यापी प्लास्टिक सन्धि’को प्रस्ताव पारित गरेको छ । सन् २०४०सम्म प्लास्टिक प्रदूषण समाप्त गर्ने दीर्घकालीन लक्ष्यअन्तर्गत विश्वव्यापी प्लास्टिक सन्धिबारे छलफल भइरहेको छ र संयुक्त राष्ट्रसंघको वातावरण कार्यक्रम (UNEP)ले यसका लागि वैज्ञानिक रूपमा न्यूनीकरण परिदृश्यहरू सुझाव दिएको छ ।
ASEZ WAO का अधिकारीले भने, “प्लास्टिक फोहोरको समस्या मानव-जातिले सामूहिक रूपमा चिन्तन र समाधान गर्नुपर्ने गृहकार्य हो । यदि विश्वमा सबैले ध्यान दिएर प्रयास गर्ने हो भने हामी निश्चय नै समाधानमा पुग्न सक्छौं । आजको यो स्वयंसेवा गतिविधिमार्फत, हामीले प्लास्टिक प्रदूषणको गम्भीरताबारे जनचेतना जगाउने, समुदायको सहभागितालाई प्रोत्साहित गर्ने र वातावरण संरक्षणप्रति जनचेतना जगाउने लक्ष्य लिएका छौं ।”
कार्यक्रममा राष्ट्रिय स्वतन्त्र पार्टी बाकेँ जील्ला सभापति श्री हरिपाल सिङ के.सीले “यो समूहले बिगत लामो समय देखि सरसफाइ,रक्तदान जस्तो क्रियाकलाप गदै आएको र यसले समाजलाइ राम्रो बाटो तिर डोर्याउने सन्देश दिएको बताए । उनले प्लाष्टिक बिश्वको निम्ति हानिकारक समस्या भईरकेको समयमा युवा स्वयंसेवकहरुले गरेको कार्य प्रेरणादायी भएको बताए ।
स्वयंसेवामा सहभागी भेरी बस व्यवसाही संघका अध्यक्ष साथै मण्डलीका सदस्य जुन बहादुर थापाले खुशी हुँदै “विश्वको समस्य भएको प्लाष्टिक प्रदुषण २०४० सम्म हटाऔ भन्ने यो बिश्वव्यापी अभियानमा आफू सहभागी हुन पाउदा एकदमै गर्व लागेको बताए ।
ASEZ WAO भन्ने सङ्गठनको नाममा ‘Save the Earth from A to Z (पृथ्वीलाई सुरुदेखि अन्त्यसम्म बचाऔं)’ र ‘We Are One Family (हामी एउटै परिवार हौं)’ भन्ने वाक्यांश संयोजन भएर ‘हामी एउटै परिवार भएर सुरुदेखि अन्त्यसम्म पृथ्वीलाई बचाऔं’ भन्ने अर्थ समावेश छ । यो समूह नेपालमा मात्र नभएर अमेरिका, बेलायत, पेरु, भारत लगायत विश्वभरि नै सक्रिय छ । सरकारी तथा अन्तर्राष्ट्रिय संस्थाहरूबाट युवाहरूको परोपकारी कार्यको लागि मान्यतास्वरूप ५४० भन्दा बढी अवार्डहरू प्रदान गरिएको छ, जसमा अमेरिकी राष्ट्रपति स्वयंसेवा अवार्ड, पेरुको राष्ट्रिय सभाका अध्यक्षबाट प्रशंसा-पत्र, अन्तर्राष्ट्रिय वातावरण अवार्ड रहेको ग्रीन वर्ल्ड अवार्ड र ग्रीन एप्पल अवार्ड इत्यादि छन् ।
ASEZ WAO आबद्ध रहेको परमेश्वरको मण्डली १७५ वटा देशहरूमा ७,८०० वटाभन्दा बढी ठाउँहरूमा भएको विश्वव्यापी मण्डली हो । नेपालमा गत जुन महिनासम्म ५७,४३७ जनाले ९५८ पटकसम्म विभिन्न स्वयंसेवा गतिविधिहरू गरेका छन् । विश्वव्यापी रूपमा, वातावरण संरक्षण, प्रकोप राहत, छिमेकीलाई सहयोग, रक्तदान अभियान, र सांस्कृतिक आदानप्रदान जस्ता गतिविधिहरू ३१,१०० पटकभन्दा बढी गरिएको छ । परमेश्वरको मण्डलीले संयुक्त राज्य अमेरिकाबाट तीन वटा राष्ट्रपति स्वयंसेवा अवार्ड, बेलायती महारानी स्वयंसेवा अवार्ड, कोरियाबाट तीन वटा राष्ट्रपति अवार्ड, ब्राजिलको विधायिकी पदक, पेरुको सर्वोत्कृष्ट वातावरण अवार्ड, राष्ट्रिय सभाबाट सम्मान पदक जस्ता ५,२०० भन्दा बढी अवार्डहरू प्राप्त गरिसकेको छ ।
