काठमाडौँ/ जेन-जीहरूको प्रदर्शनका क्रममा सोमबार दिउँसो नेपालगन्जका सुलभराज श्रेष्ठको निधन भएको छ ।
नेपालगञ्ज उपमहानगरपालिका–१ निवासी श्रेष्ठको ट्रमा सेन्टरमा निधन भएको हो ।
काठमाडौंको इञ्जिनियरिङ कलेजमा सिभिल इन्जिनियरिङ पढ्दै गरेका श्रेष्ठ भेरी स्कूल नेपालगन्जका सञ्चालक नरेन्द्र श्रेष्ठका छोरा हुन् ।
सुलभ नरेन्द्रका एक मात्रै छोरा हुन् । बुवा नरेन्द्र अहिले साँझ ६ बजे नेपालगञ्जबाट हवाईमार्ग हुँदै काठमाडौं आएको बताईएको छ ।
सोमबार भएको जेनजीहरूको प्रदर्शनमा परेर मृत्यु हुनेको संख्या १९ पुगेको छ ।
