नेपालगन्ज–१० का शौभाग्य जंग शाहले आफ्नो घरमा अपरिचित व्यक्तिले भौतिक कारवाही गर्ने भनेर धम्कीपूर्ण सूचना टाँसेपछि जिल्ला प्रहरी कार्यालय बाँकेमा आइतवार जाहेरी दिएका छन् ।

शाहको घरमा “राष्ट्रवादी सचेत युवा” नामबाट शुक्रवार राति टाँसिएको उक्त सूचनामा गत भदौ २४ गतेको जेनजी आन्दोलनका क्रममा आगजनी र तोडफोड गर्न उक्साएको आरोप लगाउँदै आत्मआलोचना नगरे भौतिक कारबाही गर्ने चेतावनी दिइएको छ ।

घटनापछि शाहले पत्रकार सम्मेलन गरी जेन जी हरुलाई कुनै पनि प्रकारले उक्साउने काम नगरेको तर, सामाजिक सञ्जालमा देशमा भैरहेको बेथिति तथा भ्रष्टाचारको विषयमा निरन्तर लेख्दै र बोल्दै आएको बताएका छन् ।

उनले आफू जस्ता भ्षरष्टाचार बिरुद्ध बोल्ने युवाहरुको आवाज दबाउने र आन्तरिक द्वन्द्व श्रृजना गर्ने उद्देश्यले यस्तो पत्र टाँसिएको बताउदैँ दोषीलाई पहिचान गरी तत्काल कारबाही गर्न माग गरेका छन् ।