कार्तिक ११ गते
नेपालगञ्ज / बास नेपाल डेउढाकला ईकाई द्धारा तिहारमा देउसीभैलो खेली संकलन गरिएको रकमबाट सामाग्री खरिद गरिएको छ ।

बाँसगढी नगरपालिका वडा नम्बर ७ मा रहेको बास नेपालको ईकाईले शुसासन स्थापनाका लागि गाँउ तथा वडामा बिभिन्न सचेतनामुलक कार्यक्रमहरु देखि आर्थिक अबस्था कमजोर भएका बालबालिकाहरुलाई सहयोग हस्तानतरण कार्यक्रम गर्दैै आएको छ ।

सोही क्रममा उक्त ईकाईका पदाधिकारी सहित राधाकृष्णटोलका युवाहरु मिलि तिहारमा देउसीभैलो कार्यक्रमको आयोजना गरिएको थियो । लक्ष्मी पुजाको दिन देखी शूरु गरिएको देउसीभैलो कार्यक्रम धेरै टाढा टाढा नगई आफ्नै गाँउ टोलमा रमाईलो गरि खेलिएको थियो ।

बास नेपालका ईकाई अध्यक्ष बिष्णुदेबी रानाको नेत्रृत्वमा मा खेलिएको देउसीभैलो कार्यक्रमको प्राबिधिक संयोजन बास नेपालका सदस्य लाल बहादुर रानाले गरेका थिए ।

स्थानिय कलालाई संरक्षण गर्दै मादल र झयाली खैचडीका साथ प्रस्तुत भएको देउसीभैलोमा सिंङ्खारु नाच, लोक भाकाका साथै दोहारी टुक्काहरु प्रस्तुत गरिएको थियो ।

हरेक दिन डिजेका ठुला ठुला आवाजमा घन्किने हिन्दी गितबाट आजित भएका स्थानिएहरु बास नेपालबाट खेलिएको देउसी भैलोको खुलेरै स्वागत गर्दथे । समाजमा हुने कुनै पनि कार्यमा प्रयोग हुने सामानहरु टेन्ट, कुर्सी, खाना पकाउने भाँडा, डिसहरु, र टेबुलहरु गाउँमा नभएर बाहिरबाट ल्याउनुपर्ने समस्याको समाधान गर्न भैली खेन्ले र भैलीबाट संकलन भएको रकमबाट उक्त समाग्री खरिद गर्ने उद्धेश्यले बास नेपालले देउसीभैलो खेलेको हो ।

संकलन भएको रकमबाट आबश्यक सामाग्री खरिद गरिएको बास नेपालका ईकाई अध्यक्ष बिष्णु रानाले बताईन् ।

२०६१ सालमा स्थापना भएको बास नेपालको डेउढाकला ईकाईले स्थापनाकाल देखीनै समाजीक काम गर्दै आएको थियो भने । पहिलो पटक २०६१ सालमा बास नेपालका सदस्यहरु मिलेर देउसी भैलो खेरी राधाकृष्ण टोलमा प्रतिक्षालय निर्माण गरेका थिए ।

गत वर्षको तिहारमा देउसीभैलो खेली राधा कृष्ण टोलमा टोलको चिनारी स्वरुप बडेमानको साईनबोर्ड बनाएर राखेका थिए ।