रुकुम पश्चिम / गहु माड्ने थ्रेसर मेसिनमा परेर रुकुम पश्चिममा एक महिलाको ज्यान गएको छ ।
चौरजहारी नगरपालिका वडा नम्बर ७ निवासी ६२ बर्षिया ठुम्रा मल्लको शुक्रबार दिउसो ज्यान गएको वडा अध्यक्ष इन्द्रलाल शर्माले बताए ।
नगरपालिकाको वडा नम्बर ७ नार्जिमा रहेको खेतका गहुँ काटेर माड्ने क्रममा लगाएको कपडा थेसर मेसिनमा बेरिएको र निजको घटनास्थलमै ज्यान गएको इलाका प्रहरी कार्यालय चौरजहारिका प्रमुख प्रहरी निरीक्षक कृष्ण डांगिले जनाए ।
उनको शव पोस्टमार्टमको लागी जिल्ला अस्पताल जाजरकोट पठाउन तयारी गरिएको प्रहरी निरीक्षक डांगिले जनाएका छन् ।
