काठमाडौं/ श्री एयरलाइन्सको जहाज ठूलो दुर्घटनाबाट जोगिएको छ ।
सुर्खेतबाट काठमाडौं आउँदै गरेको जहाजको फ्ल्यापमा समस्या आएपछि दुर्घटनाको जोखिममा रहेको थियो ।
काठमाडौंमा अवतरण हुनै लाग्दा पाङ्रा नखुलेपछि जहाज पुन: आकाश तर्फ उडेको थियो ।
आकस्मिक अवतरणको तयारी भइरहेको अवस्थामा पौने घण्टा भन्दा बढी आकाशमै उडेको थियो ।
४.२२ मा उडेको जहाज ५.४८ मिनेटमा मात्रै काठमाडौ अवतरण गरेको थियो ।
विमानस्थल कार्यालयका अनुसार, उक्त जहाजमा समस्या आएका कारण इन्धन खपत गरेर मात्रै अवतरण गर्नुपर्ने भएकोले काठमाडौं माथिको आकासमा उक्त विमानस्थलले परिक्रममा गरिरहेको थियो ।
आकस्मिक अवतरणको तयारी भईरहेकै बेला प्राबिधिक समस्या समाधान भएपछी जहाज अवतरण भएको थियो ।
जहाज अवतरण गर्नै लाग्दा पुनः आकाशमा उडाउनुका साथै जहाज हल्लिदा सबै यात्रु आत्तिएको सोही बिमानमा यात्रा गरेका सुर्खेतका राम बहादुर बटालाले बताए ।
उनका अनुसार, जहाजमा प्राबिधिक समस्या आएको बारे होस्टेजले जानकारी गराएकि थिइन् ।
बटालाले भने- जीवनकै अन्तिम दिन जस्तो लागेको थियो, भाग्यले बाँचियो ।
