मानव बेचबिखनको बदलिंदो स्वरुप

ज्योती बुढा

हिजोको दिनमा मानवबेचबिखन यौन ब्यबसाय गर्नका लागि भारतीय नाकाबाट पार गरेर सोझा केहि थाहा नपाएका किशोरी तथा महिलालाई कामको प्रलोभन देखाएर लग्ने गर्दथे भने अब मानव बेचबिखन बदलिदो तरिकाले भइरहेको छ । प्रविधिको बिकाससँगै यसले निम्त्याएको थुप्रै समस्याहरुबाट नेपालमा रहेका युवापिडीहरु फसिरहेका छन जसको फलस्वरुप नजानिदो ढँगबाट मानव बेचबिखन भैरहेको छ । सरल जीवन, धेरै पैसा कमाउने इच्छा, बैदेशिक रोजगारीको शिलशिला, घुम्न र बैदेशिक शिक्षाको प्रलोभनमा थुप्रै किशोरकिशोरीहरु अहिले भारत हुँदै तेस्रो मुलुक सम्म पुगेका छन् ।
– केशव कोइराला, प्रमुख, माईती नेपाल, नेपालगञ्ज

आज भोलि मानव बेचबिखन नँया तरिका अपनाएर भैरहेको छ । किशोरकिशोरीहरु अनलाइनमा ब्यस्त हुन्छन, बिभिन्न किसिमका अनलाइन गेमहरु खेल्छन फलस्वरुप अनलाइनमा नचिनेको मानिसलाई विश्वास गर्छन र प्रेम सम्बन्धमा फस्छन वा कसैको मीठो बोलीमा फस्छन र उनीहरुले भने अनुसार गर्ने हुँदा आफुलाई जोखिममा राखेर अरुको बहमा योजना बनाउने गर्छन र फस्ने गर्छन् । हामीले यो सम्बन्धि काम गर्दा करिब १८/१९ बर्ष देखि ३०/३५ का किशोरी तथा महिलाहरु पर्ने गर्छन । बैदेशिक रोजगारको प्रलोभनले गर्दा थुप्रै महिलाहरुले नक्कली डकुमेन्ट बनाएर बिभिन्न देशहरुमा जाने गर्छन जस्ले गर्दा उनीहरु बढि मानव बेचबिखनको जोखिममा गर्ने गर्दछन ।
– सुनिता सारु, प्रमुख, आफन्त नेपाल, नेपालगञ्ज

पहिले पहिले गरिबी,अशिक्षाका कारण मानव बेचबिखन हुने गर्दथ्यो तर आजकाल बेचबिखनको तरिका बदलिदो छ । आन्तरिक बेचबिखनका घटनाहरु थुप्रै आइरहेका छन्। पैसाको प्रलोभनमा पारि २० वर्ष मुनिका किशोरीहरुलाई काम गर्न भनि नेपालगंजमा पनि थुप्रै होटलहरुमा लगाइृदिने र पछि पैसा माग्दा यौन धन्दा गरेपछि मात्र पैसा मिल्छ भन्ने बिकल्प देखाउने गरेका छन र उतm कुरा मन नपर्दा थुप्रै किशोरीहरुले सहयोगका लागि हार गुहार गरेको अवस्थामा हामीले त्यस्तो केशमा काम गर्दै आइरहेका छौ । मानव बेचबिखनकै अर्को रुप भन्दा फरक नपर्ला यौनब्यबसाय । होटलले पनि पैसा कमाउने उदेश्यले काम दिन्छु भनेर थुप्रै किशोरीहरुलाई यौन धन्दामा संलग्न गराएका छन् ।
– अम्बिका पुन, प्रमुख, साना हातहरु, नेपालगञ्ज

पहिले पहिले चेलिबेटि बेचबिखन भनिन्थ्यो,तर २०६४ मा बदलिएको ऐनसँगै मानव बेचबिखन भनिएको छ । गाँउबाट आएका अशिक्षित किशोरी तथा महिला मात्र भारतमा यौन धन्दाको लागि बेचबिखन हुन्थ्यो भने अब आन्तरिक रुपमा डरलाग्दो तरिकाले मानव बेचबिखन भइरहेको छ । अहिले बदलिदो तरिकाले मानवलाई पैसाको प्रलोभन देखाएर बिभिन्न प्रयोजनका लागि प्रयोग गरिरहेका छन् । यौन कार्यका लागि मात्र नभएर, बालश्रम, अंग प्रत्यारोपन इत्यादिका लागि किनबेच गरिरहेका छन् । अहिले प्रबिधिसँगै धेरै बिकृति फैलिएको छ । पछिल्लो घटना अनुसार सोसल मिडियामा प्रयोग गर्नका लागि पनि किशोरीहरुलाई किनबेच भैइरहेको छ । भल्गर खालको कुरा गर्नका लागि कुनै एप बनाएर त्यसमा किशोरी बहिनीहरुलाई जोडिन लगाउने र जसले बढि समयसम्म आफु नागिँएर अरु अन्य पुरुषहरुलाई मनोरन्जन दिन्छन उनीहरुले बढि क्वाइन पाउने जस्ता कृयाकलाप मानब बेचबिखनको बदलिदो स्वरुप हो ।
– निर्मला पौडेल, प्रमुख, शक्ति नेपाल, नेपालगञ्ज

 

 

  • ३१ भाद्र २०८२, मंगलवार प्रकाशित

  • Nabintech