नेपालगन्ज– रिता ओली ‘मध्यपश्चिम’ स्तरीय वक्तृत्वकला प्रतियोगितामा १७ जना सहभागीलाई उछिन्दै प्रथम हुन सफल भएकी छिन्। नेपालगन्जस्थित मध्यपश्चिम बहुमुखी क्याम्पस स्तरीय प्रतियोगितामा ओली प्रथम भएकी हुन् ।
१११ औं नारी दिवसको नारा ‘नारी सुरक्षा, सम्मान र रोजगारः समृद्ध नेपालको आधार’ मा आधारित रहेर आयोजित गरिएको वक्तृत्वकलाको द्वितीय सावित्री विश्वकर्मा भएकी छिन् भने समान अङ्क ल्याउँदै तृतीय स्थान शैलेन्द्र ऐडी र डिलाराम खड्काले ल्याएका छन् ।
वकृत्वकलाको निर्णायक मण्डलमा मिना कण्डेल, तसोबर खान र कमल प्रसाद रहेका थिए भने कार्यक्रमका प्रमुख अतिथि मध्यपश्चिम बहुमुखी क्याम्पस प्रमुख भगत नेपाली रहेका थिए । पारु शर्माको सभाध्यक्षमा सम्पन्न कार्यक्रममा प्रथम, द्वितीय र तृतीय स्थान ल्याउन सफल विद्यार्थीलाई नगद, स्टेशनरी सामग्री र प्रमाण पत्र दिइएको क्याम्पस प्रमुख भगत नेपालीले बताए ।
